لوحة رسم

لوحة رسم

 

حياتنا .. لوحة رسم كبيرة وشديدة

حياتنا .. متلونة وبأكتر من 100 لون

برسم ويارب تكون فيها قصة مفيدة

والله معانا .. الله يكون ف العون

أنا هرسم وهشخبط ف بداية جديدة

ويارب اللوحة تعجبكم يا أحلى عيون

أو أكتب قصة و أحطلها نهاية سعيدة

أنا هرسم صورة وتطلع زى مـ هـ تكون

أو ممكن أنهى القصة بإعدام أو تأبيدة

واللى هـ يشوفها أكيد هيفهم المضمون

وممكن أرسم سلة من نوعها فريدة

وهحددها باللون الأخضر لون الزيتون

وأهى هتلم شوية أفكار ف دماغى شريدة

وهستخدم فيها كل الألوان وكمان المعجون

أو أرسم جماهير رجالة عنيدة

هرسم رجالة بتشجع وبتهتف ف جنون

بيشجعوا واثقين م الفوز ودى حاجة أكيدة

وأهى حاجة بتنسيهم أنهم شعب مطحون

ومع أول جون جت أو تنهيدة

وبرضه هرسم الإعادة وهى ف التلفزيون

بس أتقتلوا بإيادى خفية عديدة

بس أتقتلوا بإيادى جمهور مجنون

أيادى ولا تعرف دين ولا أى عقيدة

وكل ده علشان الأهلى دخل جون

وداعاً ليكم ف أول ذكرى وأول تغريدة

وداعاً يا أجمل جمهور ف الكون

 

كتابة وتأليف/ معتز الأدميرى

Mo3tz_eladmery@yahoo.com

تنويه بسيط

لكل اللى قرأ القصيدة أو لسه مقرأهاش 

أحب أقوله

أقرأها بالطريقة اللى تعجبك

وبالتسلسل اللى انت عايزه

 

 

 

 

 

 

 

 

 

 

 

 

 

 

 

 

 

 

 

 

 

 

 

 

اقرء المزيد

وداعاً عمار الشريعى

سبحان من خلق لأناس أعين بها يبصرون 

وهم ف الحقيقة لا يبصرون

وسبحان من حرمك من نعمة البصر 

وأعطاك بدلاً منها نعمة قوة البصيرة

وداعاً عمار الشريعى 

عمار الشريعى

مـن صغرى ومـن قـبل الـدراسة وأنـا أعـمى مـش بصير

حيـاتى عمرها مـا كـانت واقـفة عـلى حـد وبـألـف وأسير

مبخفش من الشوارع أو من أى حاجة واللى يصير يصير

العمى أصله مش عمى النظر..لا ده عمى القلب والضمير

عشان كده ميهمنيش وقادر أعيش وبقيت موسيقار كبير

أنـا اللى بختار بـإيدى الـطريـق وأنـا اللى بختار الـمصير

وفى نهـاية كلامى سـؤالى هيتكرر برضه ليكى يـا ضلمة

وردى عـليـا لإمتى لـيكى يـا ضلمة ...لإمتى هكون أسير؟

وعجبى

  

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

حبيبى يا أوباما

 ساعات كتير اوووى الأقى ناس حاطة الصورة ديه

وكاتبين تحتها ( ساعات بفكر أعمل حاجات لكن بلاقى الشيطان يرجع ويقولى لا لا يا راجل مش للدرجادى أتقِ الله ) . 

وده كان كلام عادى جداً 

لكن توصل بيا المرحلة أنى بالصدفة أدخل على موقع الـ    CNN

وأقرأ التصريح  ده ع الـ CNN بالأمس ( 6 \ 12\ 2012 ) للرئيس أوباما 

يحذر فيه بشار الأسد من إستخدام الأسلحة الكيماوية على شعبه !!!!!!
 
ياريت أشوف كام دعوة لبشار
 
وأوباما وعلى مزاجكوا ياريت
 
ودعوة أخرى للشعب السورى الشقيق 

هههههههههههههههههههههه ربنا يخليك لينا يا أوباما ولكل الأمة العربية أنا بصراحة 

من غيرك مش عارف كان الشعب السورى السورى حصله إيه ؟!!!

 أسد ... فأر

آه وألف آه يا زمن .. مش غدار

بإيدينا بنرمى نفسنا وسط النار

وكل رئيس بنخليه .. آله جبار

إمتى هنتعلم إزاى نعرف نختار؟

ونسيب الباقى على مقلب الأقدار

ده أنا كل م أشوف سوريا بـ أحتار

ليه بشار يكون على شعبه أسد ؟!

ومع إسرائيل بيكون أقل من فار؟!!

 

وعجبى 

كتابة وتأليف/ معتز الأدميرى

Mo3tz_eladmery@yahoo.com

     

اقرء المزيد

مرور أربعة أيام بعد سنة كاملة

نعم ففى مثل هذا الوقت قد قمت بإنشاء أول مدونة لى وكان بعنوان عيد سعيد
ولم أكن أعلم ماذا تعنى كلمة مدونة أو ماذا يجب أن أدون بها
لهذا جائت تلك المدونة فى بدايتها مشتتة وغريبة الأطوار
فتارة أكتب بها ما يخصنى أنا فقط وما قمت بتأليفه شخصياً ودون نقل
وتارة قمت بنقل مواضيع عامة للإستفادة مما فى هذه المواضيع
وتارة أخرى قمت بنقل مواضيع ذات قصص قصيرة بها أيضً عبر ودروس مستفادة كثيرة
وكل هذا مع التأكيد أننى أقسم بالله لم أنسب شيئاً لم نفسى لم أكتبه
فكل ما كتبت تحته كتابة أو كتابة وتأليف معتز الأدميرى هو كذلك
وما لم أكتب تحته أسمى هو ليس لى
وكنت أنوى فى كثير من الأحيان أن امسح تلك الموضوعات من مدونتى وأترك بها كتاباتى أنا فقط
لكن نصحنى الكثير من الأصدقاء أن أبقى على تلك المواضيع
لعل وعسى قد تكبر المدونة فى يوم من الأيام ولا تقتصر على شخصى انا فقط
وينضم لى بعض الأصدقاء لنجعلها مدونة كبيرة ومفيدة
وأقتنعت حقاً بكلامه الإ أننى قررت أننى لن أضيف ما لم أكتبه أنا شخصياً
وقد ترون فى تلك المدونة إهمال وعدم اهتما منى وهذا أرأه شئ طبيعى وبديهى
لأننى ككاتب - إن جاز لى قول ذلك على نفسى - أهم شئ أن أرى أثر ما اكتبه على القراء حتى أحس بقيمة أو أهمية ما أكتب
وهذا ما عبرت عنه من خلال هذا الموضوع لكننى وبإذن الله إن أعطانى الله عمر
سأهتم بهذه المدونة  وإن كان عدد قرائى الآن صفر
فسوف أكتب وأكتب وأكتب لعلى أصل لليوم الذى يتابعنى فيه الكثير من الأشخاص
ولن أكتب عدد لأن الإنسان بطبعه يحب الزيادة والكثير من كل شئ 
وبعد تلك المقدمة الكبيرة والتى قد يراها البعض مملة
أحب أدخل فى الموضوع وأقولكم

كل عام وأنتم بخير وهذا العام  يكون أفضل مما سبقه ويكون هذا العام الأفضل على الإطلاق 

كتابة وتأليف/ معتز الأدميرى

Mo3tz_eladmery@yahoo.com

اقرء المزيد