آسف

 

آسف

آسف رجعت تانى للكتابة
آسف بس لازم أكتب
آسف لما قلت دى سذاجة
آسف
...

بس مش عارف برضه بقولها لمين
خنت نفسى ولا قلمى
بس أعمل إيه حزين
لو مكتبتش بقلمى عن آلمى
راح مين يكتبلى مين؟
........................................
مش عارف أواسى نفسى
ولا أقولها متستهليش
هو أنا اللى عملت كده فى نفسى
ولا هفضل اشوف طول ما هعيش
حيرت نفسى وزادت حيرتى
بس راح أقول لعينى
يا عينى متدمعيش
.......................................
أه يا زمن وألف أه
عايز منى إيه؟
رضيت بنصيبى
وقلت الحمد لله
بس مش عارف
نصيبى مش راضى ليه؟
.......................................
ليه كل ما آجى آداوى جرح
ترجع تانى وتفتح فيه؟
ليه كل ما يجى يظهر فرح
تنهيه قبل ما تبتديه؟
نفسى مرة .. أنسى مرة
أنا مين أنا إيه أنا عايش ليه؟
.....................................

 

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

حبيبتى

 

حبيبتى

أنـا عـارف طـبـعـاً .. أن أنـا مش اجمل واحد تـشـوفـيـه
لـكـن والله .. أنـا أكـتـر واحـد هـيـحـبـك ممـكن تـلاقـيـه
ولو دورتى على حب زى حبى .. والله مش هتلاقى زيه
أنا من حبى فيكى .. كتبت ليكى
أجمل قصة وأجمل غنوة .. ممكن تتقال
وتعالى معايا .. ممكن أوريكى
أى حاجة .. تقولها عنيكى
...

تخطر ع البال
من نظرة واحدة .. من عنيكى
أى حاجة فى الدنيا .. تبقى عادى
ولو كانت محال
فـلو تسمحيلى .. عـايـز أقـول كلام .. بس كلام كتييييييير
كان نفسى أقوله .. من زمااااااان .. بس قالوه غيرى كتييير
وأنا غيرهم .. وحبى غيرهم .. وقلبى وحبى ملهومش كبير

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

الإنسان ..... شجرة !!!!

 

الإنسان .. لغز محير كبير ..

فصيلة واحدة .. ونوعان - ذكر وأنثى -
ومليارات المليارات من الأخلاق والطباع ومن شخص لآخر بل أخلاق الشخص نفسه قد تتغير فى مراحل حياته سؤاء أكان ذكراً ام أنثى وتلك الطباع تتغير بلا قواعد أو
تفسير
فقد تقابل الشخص الطيب الخيّر
وقد تقابل الشرير
وهناك الأمين الذى يحفظ سرك
وهناك منْ يتمنى أن يعرف سرك ليضعه على كل مواقع الدردشة ويضغط شير
وهناك منْ يرتاح لك
وهناك منْ يريد أن يرتاح منك
وبإختصار
حتى لا تمل أو تنهار
فأنا أرى الإنسان - من وجهة نظرى المتواضعة - إن الإنسان كالشجرة ..
نعم هو شجرة يمر عليك الآلآف بل لا أبالغ إن قلت الملايين
منهم منْ لا يريد سوى الإستفادة القصوى التى يستطيع أن ينالها منك ،
فقط لا يريد سوى أن يستظل بظلك ويكون تحت حمايتك من أشعة الشمس الحارقة تخيل معى كم من هؤلاء الأشخاص فى حياتك !!!!!
وهناك منْ يتجرأ عليك ويقتحمك
بلا إستئذان وبأسلوب غير مقبول
وبلا أى قيود وتراه قد يأخذ أغلى ما تملك
فمنهم منْ يقطف ثمارك وورودك وأزهارك
وإذا حاولت منعه أو أستصعبت عليه الأمر
تراه يرميك بأى شئ فقط ليرضى غروره
ويحقق آماله وأمانيه على حساب الآمك وجروحك
ويأخذ ما صعبته عليه بلا أدنى مشاعر أو احاسيس تجاهك تخيل معى كم من هؤلاء الأشخاص فى حياتك !!!!
وهناك فقط قلة قليلة هى التى حقاً تهتم لأمرك
وتعطيك المياه الذى هو سر الحياة
ولا يهمه سوى أن يرى ضحكتك وبلا مقابل
وأحياناً منهم منْ يصعَّب الأمر عليك
حين تراه أنه قد يضحى بحياته من أجلك أنت
ومن أجل حياتك أنت
تخيل معى كم من هؤلاء الأشخاص فى حياتك !!!!
(( للعلم هذه مجرد فضفضة ، وليست موجهة إلى أحد ما وبلا أية أهداف ))
طبعاً اكيد الناس التى تعرفنى ستأخذ هذا الكلام على أنفسهم لكن..أحب أن اكررها مرة أخرى هذه كانت مجرد فضفضة سرية مع ذاتى ولذاتى فقط وها أنا ظلمت وجنيت على نفسى نعم أنا ظلمت وجنيت على نفسى وكنت من النوع الذى لا يأتمن على سر فلقد فشيت فضفتى السرية فكيف ستأمنون أسراركم معى وقد أفشيت أنا سرى ؟؟!!!
هذه كانت جلسة سرية كتبها قلمى باليد اليسرى ( لأنى أعسر ( وساعدتها يدى اليمين )
وأحب ان أخبركم أننى أقسم بالله العظيم راضٍ عن كل شخص دخل حياتى فهل يا ترى أنتم عنى راضيين ؟!!
أما عن تصنيف البشر فما كتبته حقيقة ولم أشأ أن أستفيض فى التصنيف
فلا شئ مهما كتبت أو أضفت سيضيف
فمعظمنا يعلم هذا التصنيف وأكثر
ومعظمنا يرى أنه قوى
لكنه للأسف فقط من الخارج ولكنه صاحب قلب ضعيف
ينخدع بكلمات معسولة من شخص تعتقد أنه لطيف
مختبئ تحت قناع مخيف
وكلنا بنا من هذا الشخص أنا وأنت وأنتى .
وأحب أن اخبر ممن هو فى حياتى ويعلم جيداً انه من النوع الأول أو الثانى
فأحب أن أخبره أن يكمل ولا يتوقف فمْن مثلى قد تجده يعطى هكذا بلا حساب
أقسم لك أنه عدد قليل
وأنا وإن كنت أسد الإ أننى وحيد
فخذوا منى ما تشاءون وما تريدون
ولا تلقوا لى بالاً ولا تهتمون
فأنا لا حول لى ولا قبل لى لكم من قوة
ولأننى حقاً وحيد
أطلب منكم الآ تترأفوا بحالى فما عاد يجدى أو يفيد
فأنا كنت وكنت قبل كنت تائه ضائع شريد
وفى تلك الحياة عنيد
فما يضير الأسد سلخه بعد موته إن كان من المهلكبن
وكنت أسمعها دائما وأؤمن وأعمل بها أنا شمعة تحترق من أجل الآخرين
وٍاختم بقولى إن كان الموت أو الرحيل أو اللاعودة سيحزن شخص أو أثنين أو على الأكثر عشرين
فيا ألف أهلا وسهلا بالموت والرحيل إن كان سيسعد الكثيرين والكثيرين وهم أضعاف تلك العشرين
ويكفى أن ارسم على شفاهم تلك البسمة
وإن كانوا أكثر استعجالأ فيا أهلا به فى تلك اللحظة والحين

 

 

كتابة وتأليف/ معتز الأدميرى

Mo3tz_eladmery@yahoo.com

 

اقرء المزيد

العيد

 

 

 

العيد


آه ى - العيد - لو تعلم كم كنت فى إنتظارك
تلقى على الكل البهجة وهذا سر من أسرارك
كنت أتسائل عن موعد وصولك عن أخبارك !!
وسألت عنك رمضان فأنا أعلم أنه جارك
وأنك تسكن خلفه مباشرةً وداره أمام دارك

وأنك لا تبخل أبداً على كل من زرته وزارك
فأرسل تحياتى للجميع لكن .. هل نقول لهم
♥
♥
♥
♥
♥
♥
♥
♥
عيدكم محمد مرسى .. ولا عيدكم مبارك ؟!!

وعجبى



كتابة وتأليف/ معتز الأدميرى

Mo3tz_eladmery@yahoo.com

 

اقرء المزيد

العيد

العيد

أهـلاً أهـلاً بـيـك يـا أجـمـل عـيـد
يـارب يـكـون علـيكـوا عـيـد سعيد
يـلا كـلـه يـلبـس جـديـد × جـديـد
وطلعوا زكـاتكـوا مـن غـيـر تهـديـد
واسمـع كلامـى مترمهوش لبعيد
نفسى حياتـكوا يكون فيـها تجديد
مين بينادى؟ إيه عايز منى إيه؟!!

صوتى واطى؟! وعايزنى أعيد!!!!
........................................
اوكى من تانى

العيد

أهـلاً أهـلاً بـيـك يـا أجـمـل عـيـد
يـارب يـكـون علـيكـوا عـيـد سعيد
يـلا كـلـه يـلبـس جـديـد × جـديـد
وطلعوا زكـاتكـوا مـن غـيـر تهـديـد
واسمـع كلامـى مترمهوش لبعيد
نفسى حياتـكوا يكون فيـها تجديد
مين بينادى؟ إيه عايز منى إيه؟!!
صوتى واطى؟! وعايزنى أعيد!!!!

وعجبى

 كتابة وتأليف/ معتز الأدميرى

Mo3tz_eladmery@yahoo.com

اقرء المزيد

العنكبوت

العنكبووووت

الحقونى يا جيرانى
الحقووووووونى!!
بيتى فيه عنكبوت
انتوا فيييين الحقوووونى؟؟
ليه مش سامع ليكم صوووت ؟!!!
خبطت على أول جار
كلمنى وقالى
براحة يا زول
إيش صار هيدا مجرد عنكبوت
روح يا شيخ روح إن شاء الله تموت
خبطت على جارى التانى
كلمته وقالى هلا والله بالغالى
هلا والله بأغلى الناس
أنا ليه شايفك ليه محتاس!!
قلتله تعالى وبص
بص وقالى
طب بص
انا عندى كتير منهم جوه
وبعطيك مصارى اد م بتريد
بس سيبه يعيش هو
أو عيشوا أنتوا الأتنين
هو بيعيش عادى وسط الناس
وأنت خلّى عندك قلب وشوية احساس
خلانى هطق .. خلانى هموت
رحت صرخت وبأعلى صوت
أنت بتنصرنى ولا بتنصر العنكبوت
خبطت على جارى التالت
قلتله عايزين نقضى عليه
ضحك ضحك خبيثة وقالى
بس بشروط
1......2......3......
قلتله اسكت م تكملش
عايز تقعد مكان العنكبوت ؟!!!!
قالى بس هيك راح يطلع
وهايدى ع الورق ..مجرد مجرد شروط
رحت للجار الرابع
قلتله فى عنكبوت عندى
قالى بس أنا مش عندى
قلتله بيهددنى وهيقتلنى
قالى بس مش بيهددنى ومش هيقتلنى
قلتله والله بعدى عليك هيفوت
قالى وانا جاهزله بالنابوت
إيه .. إيه .. أيوة يا زين
الماتش ابتدا
طب عن إذنك علشان ده بداية الشوط
ودخل ورزع الباب رزعة مظبوط
ينهااااار أبيض ف العمارة 22 جار
كلهم نايمين ومش هيصحوا
ولا ب100 دق و زار
وربنا يشهد ادتلهم قبل كده مليون إنذار
طب ليه أنا كده !!
ليه لما بيرجعوا يتأسفوا بقبل كل الأعذار ؟!!!!
لو كانت ديه شيم الكبار
ف طظ ومليون طظ
ف كل صغير فاكر نفسه كبير
معاه شوية دولارات
وشوية بترول
وفاكر نفسه أمير
الله ينتقم منكم
ويخرب بيتوكم
قصدى قصوركم
وصلتونا لطريق مسدود
والفرح خلاص مش موجود
والشارة السودا على وشى
مبقتش عارف ولا فاكر
دى حداد على مين
ولا مين ولا مين.......
ده أنا أوقات بعلن الحداد على ضحية
وقبل م تفوت سنة
ده قبل م يفوت الأربعين
بعلنه على ضحية تانية
وع الحال ده بقالى سنين
الله ينتقم منكم يا جيرانى
يا للى ف إيدكم القرار
وواقفين تشوفوا احزانى
يا للى وصلتونا لطريق مسدود
ولادى ماتوا على أرضهم
ماتوا ع الحدود
الله ينتقم منكم
أنتم شوية فيران
فاكرة نفسها أسود
والعنكبوت هو اللى هيسود
ويبقى رحمن رحيم
يبقى رحمن رحيم
لو سبنا نعيش لو حتى ف الجحور
لكن مفيش غير رحمن رحيم واحد
طب ليه احنا 22 وليه مش واحد ؟!!
ونقضى ع العنكبوت
وكفاية بقى فرقة وتشتت وسكوت
رورحوا الله ينتقم من كل
مين بيأده القرار
وفرَّح وشمَّت فينا العنكبوت

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

من تانى

من تانى

رئـيس جديد وحيـاة كلها تخيـلات وأمـانى

الـعـزم شـديـد والـهمـة راجـعة ف ثـوانى

راح أقـول للـكسـل ابـعـد عنى وأنسـانى

والـيـأس خـلاص مـش هـيعـرف عنـوانـى

انا اهوه يا بلدى ف قمة شبابى وعنفوانى

يـكفـيـكى بـس تـشـاورى لـو محتـاجـانـى

يـا خـسارة ى اللى بـتـقـروا مـش هكمـل

أصـل الـكـهـربـا فـصلـت عـنـدى مـن تـانى

وعجبى

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

ف إنتظارها

ف إنتظارها




تريدينى .. وأريدها

وهى تعلم كم أحبها



لكنى أبداً لم أجرؤ على قولها



كل ما فيها جميل



ليس فقط وجهها



ليس فقط سحر عينها



ليس فقط طيبة قلبها



ليس فقط مشاعرها وحسها



ليس فقط حبها لدينها وربها



كل ما فيها جميل



كل جميل بلا إستثناء



حتى ... أسمها



لكن لمتى ....



لمتى سأظل كاتم حبى لها ؟!!



اليوم سأعلنها للعالم أجمع



نعم سأعلنها اليوم وبكل وبقوة



وسأخبرها كم أحبها ..



وجلست ف إنتظارها



مر عليّ يوم



ولم أرى وجهها



لم أسمع صوتها



مرَّ الثانى



وايضا لم أرى


وجها ولم أسمع صوتها


مرَّ شهر ومرَّت سنة



وانا مكانى ف إنتظارها



وبالصدفة علمت أخبارها



وعلمت انى ضيعت من عمرى الكثير



فهى أيضا كانت ف إنتظارى


كما كنت ف إنتظارها


واستمر القدر يهزئ بنا


حين تقدمت لأصارحها بحبى لها


فقالت لى


للأسف انتهى وقتها


تلك ليلتى الأخيرة هنا وسأسافر



ولا أعلم ما بعدها


فلعنت صمتى ولعنت هى صمتها


فيا ليتنى كنت قبل ذلك قلتها


وأخبرتها كم أنا أحبها !!!!

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

فانوسى

مع إحترامى لكل الفوانيس الجديدة والحديثة والمتطورة الإ أنه سيبقى فانوسى المفضل 
هو ذاك الفانوس القديم الذى لم يكن بمقدورى أن امسكه سوى دقيقتين فقط وأتركه حتى تبرد يداى من الشمع الذى بداخله
وأظل مُصراً على عدم ربطه بحبل 
ختى قبل نهاية الشهر الكريم بأبام فقط
وما أحلى تبديل الشمع فيه ....... كانت أيام

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

رمضان كريم

 

رمضان كريم

أهـلاً بيك يـا رمـضـان يـا شـهـر الـعـبـادات

بنحسَّن فـيـك أخـلاقـنـا وبنكتَّـر م الطاعات

ويـاك بـتـزيـد هـمتـنا وبنكتَّـر م الـحسنـات

ومـفيش اللى يشغلنا عن الذكـر والصلوات

وبندعى ربنا يعينا ويتقبل منَّا حتى الممات

وكـل رمضـان بنستغله أكـتـر م اللى فـات

لـقيت واحد بيـقـولى أنـت تـانـى يـا كـداب

هـو أنت فاضى ده بقى شهر المسلسلات

وعجبى

 

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

احترسى

احترسى حبيبتى 
سأجعل الدنيا حطام
احترسى
سأقطعك أربا واطبق عليك الزمام
احترسى 
من غضبى حتى لا يتحول حبى لإنتقام
أحترسى 
فأنا من علمت الشباب معنى الغرام
تحاشينى وتلاشينى 
وإياكى ان تغضبينى 

فإن غضبت منكى سألقنك درساً
لن تنسيىه بمرور الأيام
احترسى 

فحبى حب حقيقى وليس مجرد كلام
وإذا أردتى أن تعرفى كم أحبك
تذكرى مقولة
على قدر المحبة يكون الإنتقام أقصد الخصام
فهل علمتى حبيبتى كم أحبك ؟!!!
...............
حاجة ارتجالية كده ع السريع 

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

أكلة شهية

طبعا الطبق شكله شهى جدا 
وأكلة جامدة جدا برضه 
لكن أنا شايف أن ف الأول والآخر 
هى مجرد صورة 
صورة لا تسمن ولا تغنى من جوع 
كذلك كتاباتى التى أكتبها
بدون تعليقاتكم وأرآئكم التى تنير طريق أى كاتب والتى من أجلها يكتب أى كاتب 
لذلك أتمنى من الله أن أرى مزيد من التعليقات 
ولا أريد أن أكون مجرد بوست يُقرأ وكأن لا شئ جديد 

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

الرجل الثورى

فى إحدى تخيلاتى ومنذ الوهلة الأولى
توقعت أن يقول هذا الرجل كلمة جليلة عظيمة تقشعر لها الأبدان
وبالفعل وجدته يبصيح بأعلى صوته وبدون مقدمات 
يا مصريين لقد آن الآوان لنبنى مصر 
هيا بنا نبنى مصر 
وهنا تكلم أحد الجمع أنا دكتور 
ورد الآخر انا مدرس 
ورد الثالث أنا فلاح بسيط 
وهنا تغير وجه الرجل وبدى عليه 
علامات الأسى والحزن وقال

يا لسوء حظنا
لا يوجد ( بنَّا ) بيننا
إذن ماذا سنقدم للبلد من جديد ؟
ونحن ينقصنا كل شئ
المبلط وشكاير الأسمنت والحديد


وعجبى

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

هناك امل

هــنـاك أمـل

طــالــمـا هـنـاك أمـل .. أذن هـنـاك حـيـاه

أسـع بـقـوة نـحـو هـدفـك حتى تصل لمنتهاه

صـعـود الجـبـل سهـل لكـن لا تنـظر لأعـلاه

لا تـكـن فـاشـلاً مـثـلـى عـاش غـريـبـاً فـتـاه

حلمى كان امامى وتكاسلى منعنى من أن أراه

نـاضل وحـارب بـقـوة ولا تـحـنـى يوماً الجباه

وما احلى النجاح بعد الفشل والنجاح أصله واحد

لكن لكما أشتد عليك الظمأ زادت روعة المياه

وعـجـبـى

كتابة وتأليف/ معتز الأدميرى

Mo3tz_eladmery@yahoo.com

اقرء المزيد

بيع يا بديع

بيع يا بديع .... هكذا يقولون أن لقاء المرشد العام للإخوان المسلمين برئيس الوزراء الفلسطينى إسماعيل هنية ( حكومة غزة ) هو بداية عهد جديد لوعد جديد يشابه وعد بلفور بإقامة وطن قومى لليهود فى فلسطين عام 1917 م حيث يتهم المعارضون للزيارة والمستغ

لون لها قطبى اللقاء بمداولة قضية قطاع غزة فيما بينهما مما ينتج عنه وعد جديد بإقامة وطن قومى للفلسطينيين فى سيناء وحيث أن وعد بلفور بدأ تنفيذه بعد إقراره بسنوات وعلى شكل دفعات تمت حتى إعلان دولة الكيان الصهيونى على أرض فلسطين عام 1948 م فسوف يكون تنفيذ وعد مرسى وبديع لحماس خلال أربع سنوات فقط كما يدعى هؤلاء المعارضون .

من وجهة نظرى أعتقد أن التنسيق أمنيا مع حكومة غزة سيعود بفائدة كبيرة على الأمن القومى لمصر عبر عدة محاور متعددة أهمها إمكانية استغلال نفوذ حماس فى سيناء لمواجهة التيارات المتطرفة التى تهدد أمن واستقرار مصر وإن كنت أدرك أن المعارضون للزيارة سيقولون أن تلك التيارات تمثل جزءا من حماس ذاتها ولو كان الأمر كذالك فلما لا يتم الإتفاق على دعم قطاع غزة وإمداده باحتياجاته فى مقابل نزع جميع أشكال التسلح الذى تدعمه حماس من شمال سيناء ؟؟؟

أعتقد أنه يجب أن نتعامل مع تواجد حماس فى سيناء بنوع من الإهتمام وليس بنوع من التعالى الذى لن يؤدى سوى إلى تفاقم أزماتنا الداخلية وتهديد جبهتنا الخارجية خصوصا إذا ما قلت أن التنسيق بين حكومتنا وبين حكومة القطاع قد يكون من فوائدها منع أعمال تهريب المنتجات البترولية والمنتجات الصناعية والزراعية إلى غزة قبل أن يتم الإكتفاء منها داخليا ومن ثم تصديرها بطريقة شرعية تمنح سكان القطاع احتياجاتهم أيضا ... أعتقد أن مسألة التنسيق مع حكومة قطاع غزة فى غاية الأهمية ولا يجب النظر إليها بسطحية والتعامل معها بمجرد الهتافات الفارغة المحتوى " وبيع يا بديع " .

كتبه :  طاهر المهدى  28 يوليو 2012 م

اقرء المزيد