شعب تويتر يسخر من بيان "أدمن الصفحة الرسمية للمجلس الأعلى للقوات المسلحة" ~ بوابة معتز الأدميرى

نشرت صفحة "أدمن الصفحة الرسمية للمجلس الأعلى للقوات المسلحة" بيانا منذ قليل عن رصد تحريض مباشر وغير مباشر وشفرات كلامية على بعض الصفحات تدعو لمواجهات دامية مع القوات المسلحة!

وكالعادة قابل جمهور تويتر تلك الادعاءات بعاصفة من التعليقات الساخرة على هاشتاج "شفرات كلامية" منها:

1- السنجة في الرنجة والعملية مابقيتش في النملية .. نرجو من مجموعات لاعبي الراكيت بول التوجه لمكتب الحمام للأهمية .. حول.

2- لا تتركوهم يخرجوا من الشباك ، ازنقوهم في الطرقه.

3- من الفرعون الصغير إلى هيرودوت .. دمر حمامك القديم و قابلني بعدها في الشيخ ريحان يا برنجي.

4- لا بد أن نسحقهم .. لا بد أن نشرشحهم .. لا بد أن نخزوقهم.

5- الخطة 2 .. صربيا 556.

6- سيكوماها شيكي واوا .. ليك الواوا.

7- و انا كل ما أقوله آآه يقولي هو لأ .. لأ .. لأ.

8- إنها المهانة والاستهانة في البربريز.

9- التيتا في النانا و النانا في التيتا و بابا أوبح أه بابا أوبح.

10- قميص نفيسة نشف ولا لسة منشفش.

11- المارد فعص العنبة بصباع رجله الكبير، بس بذر الخرشوف لسه ماجاش أوانه، إنتظر هبو الرحيق.

12- موعدنا قبل شروق الشمس عند الفسحة الكبيرة يوم ٢٥.

13- من الفرعون العاشق إلى أم سبايضر زتون ؛ غريب أمركم أيها المصريون ؛ تطهرون الفسيخ المعفن بلمون.

14- خالتي بتسلم عليك و بتقولك إبعتلها 3 كيلو سمك و جمبري.

15- الكتكوت الكبير واكل كرنب و ناوي على غازات.

16- الحركات هتطلع من بطن الزير وهتخلص في بطن المخلوع وهتعدي علي بطن كوبري القبة - حول.

17- وزعوا البون بوني في صدور النسور.

18- الشامبو زفلط إيديا الإتنين، و البمبوطي قلع الشبشب، لا أستطيع العزف على القيثارة.

19- ده أنا بدهبزه و أدههرزه عشان يبرعش ويحنكش و يبقى آخر طعطعة

20- على مجموعات صيد البساريا الاستعداد بالفول السوداني والعسلية وتجنب النمل والعصافير تماما .. حول.

21- كوني حذرة .. الهبل ف الجبل .. و البحر بيجوع .. وسلامتها أم حسن .

22- النسر منتوف الريش بالتعاون مع البومة الزرقاء قد يكون لديهما صوت عالٍ بصورة مصطنعة... فلا تذبحوا العصفورة الآن.

23- ورق عباد الشمس الأزرق سيحمر مع استخدام الحمض، مع مراعاة إضافة الحمض بالتدريج.

24- وحش الإسباجيتي الطائر أقلع من المنصة.

25- البسكلتة البسكلتة البسكلتة عـ تمشى على الارض وعـ تدوووس

26- إن القطط تلعب بالبكر الملون في مصنع التريكو ..و القرود تشعر بالقلق الشديد خاصة مع اختفاء البكر الأحمر.

27- من لا يتحمل الحرارة ، عليه الخروج من المطبخ.

28- بلغ الصيادين أن يحذروا الدببة المجنحة و على فرسان زيوس التواجد بالمعبد”

29- الحلة وقعت فى المغرفة والفيل على قفاه اتكفى.

30- المجلس العسكري هيشلح ويجري في الظلام حول.

31- El Zomba Fi El Koromba!
7awel!

32-ناس غاويه تجيب لنفسها المسخره.

33- هنبدأ العملية مع أول إشارة ، وإشارتنا هي يعيش السمك في الماء ويسقط المطر في الشتاء.

34- فى الهوا مالافلا..فى الخلا ولا هسه..هه يا ثوار خلصتوا ولا لسه.

35- تم القضاء على الحلبسة بتفويرها مطلوب الان تفوير المغات..حول.

36- الهنص في الدنص يا اكسلانس... سته بسبستله بسبوسة بالسمن والسكر والعسل...كركشنجي دبح كبشه...حول.

37- 25-1-2011+1سنة= R

38- س س ن 11 و أيوزى أمع أجيب وجرى وحاسب من أنزكاكا.

39- الشكرموطاااخ فى الترلولى.

40- حنحط السيخ المحمى فى صرصور ودنه.
الفيل فى المنديل.
خدوا العزول وهاتوا حتة فسوخة.
من اسكندرية للتحرير.... هل تسمعنى..... خلى بالك من الأشكيف..... حووووووووووووووووووول
ههههههههههههههههههه.... فعلا الثورة الضاحكة.
مع عسكر مصر مش حتقدر تغمض عينيك.

41- ههههههههههههههه وهى دى عظمة الشعب المصرى.

42- انتو نسيتو اعظم كلمة سر فى اعظم فيلم جاسوسية : " خالتى بتسلم عليك" :)).. العميلة رقم واحد فى مصر نادية الجندى!

43- هي دي مصر الضحكه من قلب المحنه و الله مصر حتبقي زي الفل و عشان تبقي مصري اصلي لازم نقول خير اللهم ما اجعله خير

44- إلى داهية الحرب: عِين الشَّكْرُوت بيسلّم عليك!

45- واضح انهم بيتكلموا جميع اللغات........ايها المجلس العسكرى ,,,,,,,,الشبكه عالميه ,,,,,,,,,الله يوكسكم ان شاء الله,,,,,,,,,,,طبعا المقصود المجلس العسكرى,,,,,,,,,,لاننا كلنا عملاء لمصر.

46- توتو على كبوته والمنافله فقعر الحله.

47- ههههههههههههههههههههههه احنا شعب حكايه.
من عنقاء الربيع ل ابو الملايه استناك على الشجره وفى ايدى تمره وخلى بالك من طنطه.

48- من أبو الملاية لعنقاء الربيع. الشجرة يراقبها الغراب الأعصم, أستناكي على سلك الكهربا و معي اليعبوب و اليحموم. ملحوظة: تم تغيير الإسم الكودي لأبو لحاف عشان اتهرشنا

49- إلى سيادة الخبير الأمير اللى معلق على كتفة شوية دبابير
عرفوه أنى كنت براقبهم
لازم نتقل عليهم شوية لحد ما يفطسوه بس يارب اللحاف ميكونش مطاطى
علشان يدخل ولا نسمع ليهم صوت والكل بعد كده يطاطى. 50- من هبلهم بيقولوا شفرات كلامية طيب خد دي يا جنزبيل خالص يا مهيس اسمح و زورني الليلة يا فندس يا جنزبيل.

51- الصابونه مرغيه وسوكا مستحميه واوعي تنامي دلوقتي يا وليه.....حول.

52- الساتر الواقى للمخلوع هيتنفخوا و نلعب بيهم فى ملعب التحرير
الماتش يوم 25 يناير

53-هههههههههههه رموز تخوف فعلا وشديده دى شبه خطة نابليون !!!

54- خدو اخر شفرة :: الورد عالشجر فتح والكرنب مفتحتشي... روح يا هوي قول للحبايب حبكم في القلب محشي

55- خطة محكمة فعلا .......... تموووووووووووووووووووووووووووووووووووووت ............. من الضحك D:

56- رجالة خبر عاجل : محسن بيه بتاع مخابرات الثوار بيدرب العميل الثائر تامر تامر رافت الهجان على شفرة جديدة بعد اكتشاف الاولى ... مع عسكرى كوميدى ...هتضحك يعنى هتضحك

57- ربنا ينتقم منك يا مخلوع حد يموت شباب زى ده يا ابن النتن انت وزبانيتك الخنازير ويسرق فلوسهم ويخزق عيونهم اللهى وانت جاهى اشوف فيك يوم يا مخلوع وانت تحت حبل المشنقه انت وزبانيتك الهبل دا انا موت على نفسى من الضحك نستونى الغربه ومرارتها

58- الازازة فى البزازة في التحريريا25 .. البسة فى الحلبسة وربنا يوفقنا .. كاك كاك حكم العسكر حول.. حول.. شفرات وحبر سرى . الله يرحمك ياجمعة الشوان ورافت الهجان .. الناس دى بتفكر زى من 50سنة مضت ... فاقدى الاحساس بالزمن .. افكار الخمسينات رجعت تاتى ... احلى حاجة فى الثورة انها رجعتنا لايام الزمن الجميل.

ومازالت التعليقات الساخرة مستمرة ولا نعلم مصدرها ولا إلى أين وجهتها !!!

كتابة/ معتز الأدميرى

mo3tz_eladmery@yahoo.com

mo3tzeladmery@groups.facebook.com

http://facebook.com/moatzeladmery